3/15/2019 11:42:05 AM | ຊ່ວຍເຫຼືອສັງຄົມ

ລາວ ໂທລະຄົມ ມອບຊຸດ Computer ໃຫ້ແກ່ຫ້ອງວ່າການ ກະຊວງ ປກສ

ໃນວັນທີ 07 ມີນາ 2019 ທີ່ຜ່ານມາຢູ່ທີ່ຫ້ອງວ່າການກະຊວງ ປກສ, ບໍລິສັດ ລາວ ໂທລະຄົມມະນາຄົມ ມະຫາຊົນ ໄດ້ມອບເຄື່ອງຄອມພິວເຕີຕັ້ງໂຕະ ຈຳນວນ 15 ຊຸດ, ໂນດບຸກ 05 ໜ່ວຍ, ເຄື່ອງປິ່ນເຕີ້ຂາວດຳ 05 ໜ່ວຍ, ເຄື່ອງປິ່ນເຕີ້ສີ 02 ໜ່ວຍ ແລະ ເຄື່ອງສະແກນ 01 ໜ່ວຍ ໃຫ້ຫ້ອງວ່າການກະຊວງ ປກສ ລວມມູນຄ່າທັງໝົດ: 123,890,000 ກີບ, ໃຫ້ກຽດມອບເຄື່ອງອຸປະຖຳໃນຄັ້ງນີ້ໂດຍ ທ່ານ ຖາວອນ ສົມສະກຸນ ຜູ້ອຳນວຍການໃຫຍ່ ບໍລິສັດ ລາວ ໂທລະຄົມມະນາຄົມ ມະຫາຊົນ ແລະ ຕາງໜ້າຫ້ອງວ່າການກະຊວງ ປກສ ຮັບໂດຍ ພົທ ວິໄລ ຫຼ້າຄຳຟອງ ລັດຖະມົນຕີ ກະຊວງ ປກສ ພ້ອມດ້ວຍຄະນະທັງສອງຝ່າຍ.

ຈຸດປະສົງການນໍາເອົາເຄື່ອງມາມອບໃນຄັ້ງນີ້ ກໍເພື່ອເປັນການປະກອບສ່ວນເຂົ້າໃນວຽກງານ ປ້ອງກັນຄວາມສະຫງົບ ໂດຍສະເພາະແມ່ນວຽກງານວິຊາສະເພາະ ຂອງອ້າຍນ້ອງຫ້ອງວ່າການກະຊວງ ປກສ ໃຫ້ມີປະສິດທິພາບຫຼາຍຂຶ້ນກ່ວາເກົ່າ.