3/6/2019 4:20:45 PM | ຊ່ວຍເຫຼືອສັງຄົມ

ລາວ ໂທລະຄົມ ອຸປະຖຳ ແລະ ອອກຮ້ານວາງສະແດງສິນຄ້າ ໃນງານບຸນຊ້າງ ປະຈຳປີ 2019 ທີ່ ແຂວງ ໄຊຍະບູລີ

ໃນລະຫວ່າງ ວັນທີ 19-28/02/2019 ທີ່ຫໍກາງ ເດີ່ນສະໜາມຫຼວງ ເມືອງໄຊຍະບູ, ແຂວງໄຊຍະບູລີ ລາວ ໂທລະຄົມ ໄດ້ເຂົ້າມອບເງິນອຸປະຖຳ ງານບຸນຊ້າງ ປະຈຳປີ 2019 ຈຳນວນ 40,000,000 ກີບ ເຊິ່ງເປັນກຽດ ມອບໂດຍ ທ່ານ ຖາວອນ ສົມສະກຸນ ຜູ້ອໍານວຍການໃຫຍ່ ລາວ ໂທລະຄົມ ໃຫ້ກຽດຮັບໂດຍ ທ່ານ ຍັນຍົງ ສີປະເສີດ ຮອງເຈົ້າແຂວງ ແຂວງ ໄຊຍະບູລີ ແລະ ໃນເວລາດຽວກັນ ທ່ານເຈົ້າແຂວງກໍ່ໄດ້ມອບໃບກຽດຕິຄຸນໃຫ້ແກ່ ລາວ ໂທລະຄົມ ພ້ອມທັງສະແດງຄວາມຂອບໃຈ ທີ່ ລາວ ໂທລະຄົມ ເຫັນຄວາມສໍາຄັນ ແລະ ເອົາໃຈ ໃສ່ຕໍ່ງານດັ່ງກ່າວເປັນປະຈໍາ ທຸກໆປີ ສະເໝີມາ ເຊິ່ງເປັນງານບຸນທີ່ຍິ່ງໃຫຍ່ ຂອງ ແຂວງໄຊຍະບູລີ

ນອກຈາກນັ້ນ ລລທ ຍັງໄດ້ອອກຮ້ານວາງສະແດງສິນຄ້າ ເຊິ່ງພາຍໃນຮ້ານໄດ້ມີການຂາຍສິນຄ້າໃນລາຄາ ພິເສດ ພ້ອມໂຄສະນາ-ປະຊາສໍາພັນ ໂປໂມຊັນ ແລະ ການບໍລິການ ອື່ນໆ ຂອງ ລາວ ໂທລະຄົມ