11/19/2018 8:48:51 AM | ຊ່ວຍເຫຼືອສັງຄົມ

ລາວ ໂທລະຄົມ ລົງເຄື່ອນໄຫວຢ້ຽມຢາມ ແລະ ມອບເຄື່ອງ ອຸປະຖຳ ຢູ່ວິທະຍາຄານກົມມະດຳ (ນໍ້າຊວງ)

ໃນວັນທີ 02 ພະຈິກ 2018 ທີ່ຜ່ານມານີ້ ຕາງໜ້າຄະນະຜູ້ບໍລິຫານ ລາວ ໂທລະຄົມ ໄດ້ລົງເຄື່ອນໄຫວຢ້ຽມຢາມ, ມອບເຄື່ອງອຸປະກອນກິລາ ແລະ ສິນ ຄ້າ ຂອງ ລາວ ໂທລະຄົມ ຈຳນວນໜຶ່ງ ລວມມູນຄ່າທັງໝົດ:15,515,000 ກີບ ໃນນັ້ນມີເງິນສົດ ມູນຄ່າ: 2,500,000 ກີບ ໃຫ້ ວິທະຍາຄານກົມມະດຳ ມອບໂດຍ ທ່ານ ທັນສະໄໝ ຊາມູນຕີ ຫົວໜ້າຄະນະພັດທະນາຄຸນນະພາບການບໍລິ ການ ລາວ ໂທລະຄົມ ພ້ອມດ້ວຍຄະນະ ແລະ ຮັບໂດຍ: ທ່ານ ພັນເອກ ຖາ ວອນ ແກ້ວອິນທະວົງ ຫົວໜ້າການເມືອງ ວິທະຍາຄານກົມມະດຳ.

ຈຸດປະສົງຂອງການລົງໄປຢ້ຽມຢາມ ແລະ ມອບເຄື່ອງອຸປະຖຳໃນຄັ້ງນີ້ ກໍເພື່ອເປັນການຊຸກຍູ້ຂະບວນການ ແລະ ສ້າງກິດຈະກຳຮ່ວມກັບວິທະຍາຄານກົມມະດຳ ເນື່ອງໃນໂອກາດກະກຽມສະເຫຼີມສະຫຼອງ ວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ (20 ມັງກອນ 2019) ທີ່ກໍາລັງຈະໝູນວຽນມາເຖິງ ໃນມໍ່ໆນີ້.