9/27/2018 4:06:05 PM | ຊ່ວຍເຫຼືອສັງຄົມ

ລາວ ໂທລະຄົມ ມອບເງິນ ສົມມະນາບຸນຄຸນໃຫ້ ປກສ ບ້ານດົງປ່າແຫຼບ ຈຳນວນ 3,000,000 ກີບ

ໃນວັນທີ 20 ກັນຍາ 2018 ຢູ່ທີ່ ຫ້ອງການບ້ານ ດົງປ່າແຫຼບ ເມືອງ ຈັນທະບູລີ ນະຄອນຫຼວງວຽງຈັນ ລາວ ໂທລະຄົມ ( ລລທ ) ໄດ້ນຳເອົາເງິນຈຳນວນ 3,000,000 ກີບ ໄປມອບໃຫ້ແກ່ ຄະນະບ້ານ, ປກສ ບ້ານ ດົງປ່າແຫຼບ ທີ່ຈັບຄົນຂີ້ລັກ ຕັດສາຍ ໂທລະສັບ ຂອງ ລລທ ໄປຂາຍ ເປັນກຽດມອບໂດຍ: ທ່ານ ສາຄອນ ພູມແສນອ້ວນ ຮອງຫົວໜ້າຝ່າຍສະໜັບສະໜູນ ນະຄອນຫຼວງ ລລທ ແລະ ຮັບໂດຍ ທ່ານ ບຸນຖະໜອມ ບົວທອງພັນ ນາຍບ້ານ ດົງປ່າແຫຼບ ພ້ອມຄະນະບ້ານ,ປກສ ແລະ ຜູ້ບໍລິຫານ, ພະນັກງານ ລລທ ເຂົ້າຮ່ວມເປັນສັກຂີພະຍານຢ່າງພ້ອມພຽງ.