8/13/2018 9:26:43 AM | ຊ່ວຍເຫຼືອສັງຄົມ

ລາວ ໂທລະຄົມ ອຸປະຖຳ ເງິນສົດ ຈຳນວນ: 1,000,000 ກີບ ເພື່ອສົ່ງເສີມການລ້ຽງລູກດ້ວຍນົມແມ່ ແລະ ເດັກທີ່ມີພອນສະຫວັນພິເສດ

ໃນ ວັນທີ 2 ສິງຫາ 2018 ຢູ່ທີ່ ສູນບໍລິການລູກຄ້າ ສຳນັກງານໃຫຍ່ ລາວ ໂທລະຄົມ ສາຍລົມ (ລລທ) ໄດ້ມີການມອບ ເງິນສົດ ຈຳນວນ: 1,000,000 ກີບ ໃຫ້ກຽດມອບໂດຍ: ທ່ານ ນາງ ມະນີຈັນ ພິລາວົງ ໃຫ້ກຽດຮັບໂດຍ: ທ່ານ ນາງ ສຸກພາພອນ ຜານິດ ຕາງໜ້າຄະນະຮັບພິຊອບສ້າງຕັ້ງສະມາຄົມ ສົ່ງເສີມການລ້ຽງລູກດ້ວຍນົມແມ່ ແລະ ເດັກທີ່ມີພອນສະຫວັນພິເສດ ພ້ອມດ້ວຍຄະນະທັງສອງຝ່າຍເຂົ້າຮ່ວມຢ່າງພ້ອມພຽງ.

ຈຸດປະສົງໃນການອຸປະຖໍາໃນຄັ້ງນີ້ກໍ່ເພື່ອ ເປັນການປະກອບສ່ວນຈັດພິມ ປື້ມພັອກເກັດບຸກ ປະສົບການຈາກຄອບຄົວນົມແມ່ ປື້ມດັ່ງກ່າວຈະມີເນື້ອໃນປະກອບພາບ ຊຶ່ງຄາດວ່າຈະມີຄວາມໜາປະມານ160 ໜ້າເຈ້ຍ A5 ແລະ ມີສ່ວນຮ່ວມໃນງານດັ່ງກ່າວ ນອກນັ້ນຍັງເປັນການສ້າງ ສາຍສຳພັນອັນດີ ລະຫວ່າງ 02 ອົງກອນອິີກດ້ວຍ.