7/31/2018 4:50:04 PM | ຊ່ວຍເຫຼືອສັງຄົມ

ລາວ ໂທລະຄົມ ມອບເງິນຊ່ວຍເຫຼືອປະຊາຊົນທີ່ຖືກໄພພິບັດນໍ້າຖ້ວມຢູ່ເມືອງ ສະໜາມໄຊ ແຂວງອັດຕະປື

ເພື່ອເປັນການຊ່ວຍເຫຼືອບັນເທົາທຸກໃຫ້ກັບປະຊາຊົນຜູ້ປະສົບໄພພິບັດນໍ້າຖ້ວມ ຢູ່ເມືອງສະໜາມໄຊ ແຂວງອັດຕະປືໃນຕອນບ່າຍ ວັນທີ 25 ກໍລະກົດ 2018 ຢູ່ທີ່ ກະຊວງແຮງງານ ແລະ ສະຫວັດດີການສັງຄົມ ລາວ ໂທລະຄົມ ໄດ້ເຂົ້າມອບເງິນຊ່ວຍເຫຼືອ ຈໍານວນ 100,000,000 ລ້ານກີບ ເຊິ່ງມອບໂດຍ ທ່ານ ຖາວອນ ສົມສະກຸນ ຜູ້ອໍານວຍການໃຫຍ່ ລາວ ໂທລະຄົມ ພ້ອມດ້ວຍຄະນະ ແລະ ໃຫ້ກຽດຮັບໂດຍ ທ່ານ ນາງ ໃບຄໍາ ຂັດຕິຍະ ຮອງເລຂາພັກກະຊວງ, ຮອງລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ.

ນອກຈາກນີ້ຍັງຈະມີເງິນບໍລິຈາກ ຂອງພະນັກງານ ລາວ ໂທລະຄົມ ທົ່ວປະເທດ 2,900 ກວ່າຄົນ ເປັນຈໍານວນເງິນ 84,440,000 ກີບ ມອບຕື່ມໃນເວລາອັນໃກ້ນີ້ .

ປະຈຸບັນທາງ ລາວ ໂທລະຄົມ ກໍາລັງລະດົມລູກຄ້າຊ່ວຍບໍລິຈາກ ຜ່ານໂຄງການ “ ຮ່ວມບໍລິຈາກຊ່ວຍຜູ້ປະສົບໄພນໍ້າຖ້ວມ ແຂວງອັດຕະປື” ເຊິ່ງມາຮອດມື້ນີ້ ທີ່ 25/07/2018 ຈໍານວນເງິນທີ່ລູກຄ້າບໍລິຈາກໄດ້ແລ້ວປະມານ 28 ກວ່າລ້ານກີບ ແລະ ຈະປິດຮັບບໍລິຈາກໃນວັນທີ່ 31 ກໍລະກົດ 2018 ນີ້.

“ລາວ ໂທລະຄົມ ໂທລະຄົມຂອງຄົນລາວ ເພື່ອສັງຄົມລາວ”