img

ລາວ ໂທລະຄົມ ຈັດກິດຈະກໍາຊ່ວຍເຫຼືອສັງຄົມ ເນື່ອງໃນໂອກາດສະເຫຼີມສະຫຼອງ ຄົບຮອບ 24 ປີ

ໃນວັນທີ 13 ພະຈິກ 2020 ຄະນະຜູ້ບໍລິຫານ ແລະ ພະນັກງານອ້ອມ ຂ້າງ ລລທ ສູນກາງ ເຊິ່ງນໍາໂດຍ ທ່ານ ສຸພົນ ຈັນທະວີໄຊ ຜູ້ອໍານວຍການ ໃຫຍ່ ພ້ອມຄະນະ ໄດ້ເດີນທາງໄປມອບເຄື່ອງຊ່ວຍເຫຼືອໃຫ້ໂຮງຮຽນປະຖົມ ສົມບູນ ບ້ານ ຊໍ້ ເມືອງສັງທອງ ນະຄອນຫຼວງວຽງຈັນ ເຊິ່ງເຄື່ອງທີ່ນໍາໄປ ມອບໃນຄັ້ງນີ້ລວມມີວັດຖຸມູນຄ່າ 15,000,000 ກີບ ແລະ ເງິນສົດ ອີກ 15,000,000 ກີບ ລວມມູນຄ່າທັງໝົດ 30,000,000 ກີບ. ໃຫ້ກຽດເຂົ້າຮ່ວມໃນພິທີມອບມີ ທ່ານ ໄຊຍະບັດ ຊຸ່ມມະນີວົງ ຮອງເຈົ້າ ເມືອງ ເມືອງສັງທອງ, ທ່ານ ສຸລິແສງ ສີຫາລາດ ຫົວໜ້າສຶກສາເມືອງ ເມືອງສັງທອງ, ມີການຈັດຕັ້ງບ້ານຊໍ້, ສະມາຄົມພໍ່ແມ່ນັກຮຽນ, ຄູອາຈານ ແລະ ນ້ອງນັກຮຽນເຂົ້າຮ່ວມ. ໃນພິທີດັັ່ງກ່າວ ທ່ານ ສຸພົນ ຈັນທະວີໄຊ ຜູ້ອໍານວນການໃຫຍ່ ລລທ ໄດ້ຂື້ນມອບ ແລະ ຮັບໂດຍ ທ່ານ ອາຈານ ສົມຫວັງ ແກ້ວສຸວັນ ອໍານວຍການໂຮງຮຽນປະຖົມສົມບູນ ບ້ານຊໍ້ ທັດຕໍ່ຈາກນັ້ນຄະນະອໍານວຍການ, ຄະນະຝ່າຍ ແລະຄະນະພະແນກໄດ້ ພ້ອມກັນແຈກຢາຍເຄື່ອງຊ່ວຍເຫຼືອໃຫ້ກັບນ້ອງນັກຮຽນ 233 ກວ່າຄົນ. | ຈຸດປະສົງຂອງກິດຈະກໍາໃນເທື່ອນີ້ແມ່ນ ເພື່ອເປັນການສ້າງຂະບວນ ການຕ້ອນຮັບ ລລທ ຄົບຮອບ 24 ປີ, ທັງເປັນການຄືນກໍາໄລ ແລະ ມອບຄວາມສຸກໃຫ້ກັບລູກຄ້າ ແລະ ສັງຄົມ ໂດຍເພາະແມ່ນນ້ອງນັກຮຽນ ແລະ ຄູອາຈານ ໃນໂຮງຮຽນປະຖົມສົມບູນ ບ້ານ ຊໍ້ ແຫ່ງນີ້ທີ່ຍັງຫຍຸ້ງຍາກ ຂາດເຂີນ ແລະ ຕ້ອງການຄວາມຊ່ວຍເຫຼືອຈາກສັງຄົມທຸກພາກສ່ວນ. #ລາວ ໂທລະຄົມ ໂທລະຄົມ ຂອງ ຄົນລາວ ເພື່ອສັງຄົມລາວ #LaoTelecom24thAnniversary

View: 44 | 11/17/2020 5:28:51 PM | ຊ່ວຍເຫຼືອສັງຄົມ

ຍ້ອນກັບ




Copyright © 2020 , All Rights Reserved | Version : 2.0