img

ລາວ ໂທລະຄົມ ເປີດງານຕະຫຼາດນັດ Lao Telecom Market ຄັ້ງທີ 2

ວັນທີ: 22 ສິງຫາ 2020 ບໍລິສັດ ລາວ ໂທລະຄົມມະນາຄົມ ມະຫາຊົນ ໄດ້ເປີດງານຕະຫຼາດນັດ “ Lao Telecom Market ຄັ້ງທີ 2 ” ຂື້ນທີ່ສູນການຄ້າ ວຽງຈັນເຊັນເຕີ ນະຄອນຫຼວງວຽງຈັນ ກ່າວເປີດງານໂດຍ ທ່ານ ເຄນ ສະຕຣຸດເກີ້ ຫົວໜ້າພະແນກການຕະຫຼາດ ເຊິ່ງໃຫ້ກຽດເຂົ້າຮ່ວມງານຄັ້ງນີ້ ໂດຍ ທ່ານ ປິຍະວັດ ຈະຣິຍະເສດຖະພົງ ຮອງຜູ້ອໍານວຍການໃຫຍ່ ລາວ ໂທລະຄົມ ພ້ອມດ້ວຍຄະນະ ແລະ ຄະນະຝ່າຍ, ຄະນະພະແນກການ, ພະນັກງານວິຊາການ , ລູກຄ້າ, ດາລານັກຮ້ອງສິລະປິນ, ທີມເຕັ້ນ ສຸດ Hot , ກູລູດ້ານຄວາມງາມຊື່ດັງ ແລະ ນ້ອງໆ ນາຍແບບ-ນາງແບບ ຜູ້ເຂົ້າຮອບ 20 ຄົນ ຂອງ ການປະກວດ LTC Boys & Girls contest 2020 ເຂົ້າຮ່ວມຢ່າງພ້ອມພຽງ|ງານຕະຫຼາດນັດ ລາວ ໂທລະຄົມ ແມ່ນກິດຈະກໍາໜຶ່ງທີ່ ລາວ ໂທລະຄົມ ກໍານົດຈັດຂື້ນທຸກໆເດືອນໂດຍເລີ່ມແຕ່ເດືອນ ກໍລະກົດ ແລ້ວນີ້ເປັນຕົ້ນມາ ເຊິ່ງແຕ່ລະເດືອນຈະມີຮູບແບບກິດຈະກໍາໃໝ່ໆ ແລະ ບັນດາຮ້ານຄ້າຄູ່ຮ່ວມທຸລະກິດຮ້ານໃໝ່ທີ່ບໍ່ຊໍ້າເກົ່າໝູນໄປເລື້ອຍໆຈົນເຖີງທ້າຍປີ 2020 ນີ້. ຈຸດປະສົງເພື່ອເປັນການສ້າງສີສັນໃໝ່ ແລະ ປະສົບການໃໝ່ໃຫ້ກັບລູກຄ້າໃນຍຸກ Digital ເຊິ່ງໃນງານຕະຫຼາດນັດ ຄັ້ງທີ່ 2 ນີ້ ລາວ ໂທລະຄົມ ໄດ້ຈັບມືກັບຮ້ານຄ້າທີ່ຈໍາໜ່າຍສີນຄ້າກ່ຽວກັບ Fashion & Cosmetic ຈໍານວນ 18 ຮ້ານ ມາໂຮມຕົວກັນຢູ່ບ່ອນດຽວ ແລະ ມື້ດຽວເທົ່ານັ້ນ ເພື່ອວາງສະແດງ ແລະ ຈໍາໜ່າຍ ສິນຄ້າ ຂອງແຕ່ລະຮ້ານຄ້າ ໃຫ້ລູກຄ້າຜູ້ເຂົ້າຮ່ວມງານໄດ້ທົດລອງນໍາໃຊ້ ແລະ ເລືອກຊື້ໄປຊົມໃຊ້ຕາມຄວາມຕ້ອງການ, ພາຍໃນງານມີກິດຈະກໍາຫຼາຍຢ່າງເພື່ອໃຫ້ລູກຄ້າໄດ້ມີສ່ວນຮ່ວມ ແລະ ຮ່ວມມ່ວນຊື່ນ ເປັນຕົ້ນແມ່ນການປະກວດ LTC Boys & Girls contest 2020, ການລົງທະບຽນເບີໂທລະສັບ, ການແລກເຄື່ອງລາງວັນ ແລະກິດຈະກໍາອຶ່ນໆ ເຊິ່ງສ້າງຄວາມສົນໃຈໃຫ້ກັບຜູ້ເຂົ້າຮ່ວມງານຄັ້ງນີ້ໄດ້ເປັນຢ່າງດີ.|ຜູ້ຊະນະເລີດການປະກວດ LTC Boys & Girls contest 2020 ໃນງານຄັ້ງນີ້ ໄດ້ແກ່ LTC B07 ນ້ອງ ມິນທະດາ ບັນນະວົງ ແລະ LTC G09 ນ້ອງ ແອນນີ້ ລັດຕະນະກອນ ຊຶ່ງ ລລທ ຈະເອົານ້ອງມາຮ່ວມກິດຈະກຳ ແລະ ເປັນນາງແບບຊາຍແບບ ຂອງ ລາວ ໂທລະຄົມ.

View: 98 | 8/26/2020 4:29:27 PM | ຊ່ວຍເຫຼືອສັງຄົມ

ຍ້ອນກັບ




Copyright © 2020 , All Rights Reserved | Version : 2.0