img

ລາວ ໂທລະຄົມ ມອບເຄື່ອງຊ່ວຍເຫຼືອໃຫ້ ໂຮງຮຽນສຶກສາພິເສດ ນະຄອນຫຼວງວຽງຈັນ

ໃນວັນທີ 26 ພຶດສະພາ 2020 ຢູ່ທີ ໂຮງຮຽນສຶກສາພິເສດ ບ້ານໜອງໜ້ຽວ ເມືອງສີໂຄດຕະບອງ ນະຄອນຫຼວງວຽງຈັນ ໄດ້ມີພິທີມອບ-ຮັບ ເຄື່ອງຊ່ວຍເຫຼືອຈາກ ບໍລິສັດ ລາວ ໂທລະຄົມ ມະນາຄົມ ມະຫາຊົນ ໃຫ້ກັບ ໂຮງຮຽນສຶກສາພິເສດ ກ່າວມອບໂດຍ ທ່ານ ທັນສະໄໝ ຊາມຸນຕີ ຜູ້ຊີ້ນໍາວຽກງານ Commercial ບໍລິສັດ ລາວ ໂທລະຄົມມະນາຄົມ ມະຫາຊົນ ແລະ ກ່າວຮັບໂດຍ ທ່ານ ພູທອນ ແສງດາວົງ ຮອງຫົວໜ້າພະແນກສຶກສາທິການ ແລະ ກິລາ ນະຄອນຫຼວງວຽງຈັນ ເຂົ້າຮ່ວມໃນພິທີມີຄະນະຜູ້ບໍລິຫານ ລາວ ໂທລະຄົມ, ຄະນະອໍານວຍການພ້ອມດ້ວຍຄູອາຈານ ແລະ ນ້ອງນັກຮຽນ ໂຮງຮຽນດັ່ງກ່າວເຂົ້າຮ່ວມ. ເຄື່ອງຊ່ວຍເຫຼືອທີ່ນໍາມາມອບໃນຄັ້ງນີ້ເປັນປະເພດເຄື່ອງອຸປະໂພກ-ບໍລິໂພກ ສໍາລັບໃຊ້ສອຍໃນຊີວິດປະຈໍາວັນເປັນຕົ້ນເຊັ່ນ: ເຂົ້າສານ, ນໍ້າດື່ມ, ແຟັບ, ສະບູ, ຢາຖູແຂ້ວ, ໄມ້ຖູແຂ້ວ, ຢາສະຫົວ, ເຄື່ອງປຸງ ແຕ່ງອາຫານ, ອາຫານແຫ້ງ ແລະ ອຶ່ນໆຈໍານວນໜຶ່ງລວມມູນຄ່າທັງ ໝົດ 5,000,000 ກີບ. ເພື່ອນໍາໃຊ້ເຂົ້າໃນການດໍາລົງຊີວິດປະຈໍາວັນ ຂອງນ້ອງນັກຮຽນ ແລະ ຊ່ວຍແບ່ງເບົາຄ່າໃຊ້ຈ່າຍບໍລິຫານເລື່ອງການ ກິນຢູພາຍ ໃນໂຮງຮຽນດັ່ງກ່າວ. |ທ່ານ ນາງ ສິລິວັນ ວິຣະຈິດ ຜູ້ອໍານວຍການໂຮງຮຽນສຶກສາ ພິເສດ ໄດ້ລາຍງານໃຫ້ຮູ້ວ່າ ໂຮງຮຽນສຶກສາພິເສດ ແມ່ນໂຮງຮຽນ ສາມັນ ກິນ-ນອນ ສໍາລັບຜູ້ພິການທາງຫູ, ປາກກຶກ ແລະ ພິການ ທາງສາຍຕາ ເຊິ່ງຢູ່ພາຍໃຕ້ການຊີ້ນໍາດູແລຂອງ ພະແນກສຶກສາທິ ການ ແລະ ກິລາ ນະຄອນຫຼວງວຽງຈັນ, ກະຊວງສຶກສາທິການ ແລະ ກິລາ ປະກອບມີ 3 ຊັ້ນຮຽນຄື: ຊັ້ນການສຶກສາກ່ອນໄວຮຽນ(ປ.ກຽມ) ຊັ້ນປະຖົມສຶກສາ ແລະ ຊັ້ນມັດທະຍົມສຶກສາ ມີຄູອາຈານທັງໝົດ 34 ຄົນ ມີນ້ອງນັກຮຽນທັງໝົດ 135 ຄົນ. “ລາວ ໂທລະຄົມ ໂທລະຄົມຂອງຄົນລາວ ເພື່ອສັງຄົມລາວ”

View: 671 | 5/26/2020 9:21:28 PM | ຊ່ວຍເຫຼືອສັງຄົມ

ຍ້ອນກັບ




Copyright © 2020 , All Rights Reserved | Version : 2.0