img

ລາວ ໂທລະຄົມ ມອບເຄື່ອງອຸປະໂພກ-ບໍລິໂພກ ຊ່ວຍເຫຼືອ ສະມາຄົມ ພັດທະນາ ແລະ ສົ່ງເສີມອາຊີບຄົນພິການຕາ

ໃນວັນທີ 21 ພຶດສະພາ 2020 ຢູ່ທີຫ້ອງການບ້ານໜອງດ້ວງເໜືອ ເມືອງສີໂຄດຕະບອງ ນະຄອນ ຫຼວງວຽງຈັນ ໄດ້ມີພິທີມອບ-ຮັບ ເຄື່ອງຊ່ວຍເຫຼືອຈາກ ບໍລິສັດ ລາວ ໂທລະຄົມມະນາຄົມ ມະຫາ ຊົນ ໃຫ້ກັບ ສະມາຄົມພັດທະນາ ແລະ ສົ່ງເສີມອາຊີບຄົນພິການຕາ. ມອບໂດຍ ທ່ານ ທັນສະໄໝ ຊາມຸນຕີ ຜູ້ຊີ້ນໍາວຽກງານ Commercial ບໍລິສັດ ລາວ ໂທລະຄົມມະນາຄົມ ມະຫາຊົນ ແລະ ຮັບໂດຍ ທ່ານ ສົມຈິດ ມິ່ງນະຄອນ ປະທານສະມາຄົມພັດທະນາ ແລະ ສົ່ງເສີມອາຊີບຄົນ ພິກາຕາ. ເຄື່ອງຊ່ວຍເຫຼືອທີ່ນໍາມາມອບໃນຄັ້ງນີ້ເປັນປະເພດເຄື່ອງອຸປະໂພກ-ບໍລິໂພກ ສໍາລັບໃຊ້ສອຍໃນຊີວິດປະຈໍາວັນ ຈໍານວນ 73 ຊຸດ ມູນຄ່າ 5,000,000 ກີບ ເພື່ອມອບໃຫ້ກັບຄອບຄົວຜູ້ພິການຕາຈໍາ ນວນ 73 ຄອບຄົວ ທີ່ໄດ້ຮັບຜົນກະທົບຈາກສະຖານະການແຜ່ລະບາດຂອງເຊື້ອໄວຣັດ COVID-19 ເຮັດໃຫ້ບໍ່ສາມາດດໍາເນີນກິດຈະການບໍລິການນວດຂອງທາງສະມາຄົມໄດ້ໃນໄລຍະນີ້. “ລາວ ໂທລະຄົມ ໂທລະຄົມຂອງຄົນລາວ ເພື່ອສັງຄົມລາວ”

View: 685 | 5/21/2020 5:35:58 PM | ຊ່ວຍເຫຼືອສັງຄົມ

ຍ້ອນກັບ




Copyright © 2020 , All Rights Reserved | Version : 2.0