img

Thaicom ແລະ ST Telemedia ມອບເງິນສົມທົບຕ້ານການແຜ່ລະບາດຂອງເຊື້ອໄວຣັດ COVID-19 ໃນ ສປປ ລາວ.

ໃນວັນທີ 20 ພຶດສະພາ 2020 ຢູ່ທີ່ຫ້ອງຕ້ອນຮັບແຂກ ກະຊວງການ ເງິນ ບໍລິສັດ ໄທຄົມ ຈໍາກັດ ມະຫາຊົນ (Thaicom Public Company Limited) ແລະ ບໍລິສັດ ເອັດສທີເທເລມີເດຍ (ST Telemedia) ເຊິ່ງທັງສອງບໍລິສັດແມ່ນຜູ້ຖືຮຸ້ນໃນ Shenington Investments PTE LTD. ໄດ້ເຂົ້າມອບເງິນສົມທົບໃຫ້ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການແພ່ລະບາດຂອງເຊື້ອໄວຣັດ COVID-19 ຢູ່ ສປປ ລາວ ເປັນຈໍານວນເງິນ 10,000 US$ . ທ່ານ ປິຍະວັດ ຈະຣິຍະ ເສດຖະພົງ ຮອງຜູ້ອໍານວນການໃຫຍ່ ບໍລິສັດ ລາວ ໂທລະຄົມມະນາ ຄົມ ມະຫາຊົນ ທັງເປັນກໍາມະການຜູ້ຈັດການໃນ Shenington Investments PTE LTD ໄດ້ເປັນຕົວແທນໃຫ້ກັບທັງສອງບໍລິສັດດັ່ງ ກ່າວໃນການມອບຄັ້ງນີ້ ແລະ ໃຫ້ກຽດຮັບໂດຍ ທ່ານ ບຸນໂຈມ ອຸບົນປະເສີດ ຮອງລັດຖະມົນຕີກະຊວງການເງິນ, ຜູ້ຕາງໜ້າຄະນະ ສະເພາະກິດ. ໂດຍມີຄະນະນໍາ ແລະ ຜູ້ບໍລິຫານຂອງທັງສອງຝ່າຍ ເຂົ້າຮ່ວມ.

View: 715 | 5/21/2020 9:40:30 AM | ຊ່ວຍເຫຼືອສັງຄົມ

ຍ້ອນກັບ




Copyright © 2020 , All Rights Reserved | Version : 2.0