img

ລາວ ໂທລະຄົມ ອຸປະຖໍາ Internet Leased Line ໃຫ້ສະຖາບັນຄົ້ນຄວ້າວິທະຍາສາດການສຶກສາ.

ໃນວັນທີ 19 ພຶດສະພາ 2020 ຢູ່ທີ ສະຖາບັນຄົ້ນຄວ້າວິທະຍາສາດການສຶກສາ, ກະຊວງສຶກສາທິການ ແລະ ກິລາ ໄດ້ມີພິທີມອບ-ຮັບ ການອຸ ປະຖໍາ Internet Leased Line ຄວາມໄວ 50 Mbps ມູນຄ່າ 473,950,000 ກີບ ຈາກ ບໍລິສັດ ລາວ ໂທລະຄົມມະນາຄົມ ມະຫາຊົນ ໃຫ້ກັບ ສະຖາບັນຄົ້ນຄວ້າວິທະຍາສາດການສຶກສາ, ກະຊວງສຶກສາທິ ການ ແລະ ກິລາ . ໂດຍການໃຫ້ກຽດເຂົ້າຮ່ວມເປັນປະທານໃນພິທີຂອງ ທ່ານ ຮສ.ປອ ພຸດ ສິມມາລາວົງ ຮອງລັດຖະມົນຕີ ກະຊວງສຶກສາທິ ການ ແລະ ກິລາ ກ່າວມອບໂດຍ ທ່ານ ສຸພົນ ຈັນທະວີໄຊ ຜູ້ອໍານວຍ ການໃຫຍ່ ບໍລິສັດ ລາວ ໂທລະຄົມມະນາຄົມ ມະຫາຊົນ ແລະ ກ່າວຮັບ ໂດຍ ທ່ານ ປອ ອ່ອນແກ້ວ ນວນນະວົງ ຜູ້ອໍານວຍການ ສະຖາບັນຄົ້ນ ຄວ້າວິທະຍາສາດການສຶກສາ ໂດຍຊ້ອງໜ້າຄະນະນໍາ ແລະ ຜູ້ບໍລິຫານຂອງທັງສອງຝ່າຍເຂົ້າຮ່ວມ.|ເນື່ອງຈາກສະຖານະການແຜ່ລະບາດຂອງເຊື້ອໄວຣັດ COVID-19 ເຮັດໃຫ້ການປະຕິບັດໜ້າທີ່ວຽກງານຂອງຫຼາຍຂະແໜງການພົບກັບບັນຫາຫຍຸ້ງຍາກສັບສົນ ໂດຍສະເພາະຂະແໜງການສຶກສາໄດ້ໂຈະການ ຮຽນ-ການສອນ ນັບແຕ່ທ້າຍເດືອນ ມີນາ ເປັນຕົ້ນມາ, ເຊິ່ງໄດ້ສົ່ງຜົນ ກະທົບເຮັດໃຫ້ລູກຫຼານນັກຮຽນຂອງພວກເຮົາຂາດຄວາມຕໍ່ເນື່ອງໃນ ການສຶກສາຮໍ່າຮຽນ. ສະນັ້ນ,ຄະນະຜູ້ບໍລິຫານ ລາວ ໂທລະຄົມ ເຫັນໄດ້ ເຖີງ ຄວາມຈໍາເປັນອັນຮີບດ່ວນ ຂອງວຽກງານດັ່ງກ່າວເພື່ອເຮັດແນວ ໃດໃຫ້ສາມາດແກ້ໄຂຂໍ້ຫຍຸ້ງ ຍາກ ແລະ ເດີນໜ້າຕໍ່ໍ່ໄປໄດ້ໃນໄລຍະວິກິດນີ້ ຈຶ່ງໄດ້ຕົກລົງເຫັນດີຕອບສະໜອງ ແລະ ຕິດຕັ້ງ Internet ຄວາມໄວສູງ ໃຫ້ກັບສະຖາບັນຄົ້ນຄວ້າວິທະຍາສາດການສຶກສາ ໂດຍເລີ່ມແຕ່ເດືອນ ເມສາ-ກໍລະກົດ 2020 ເພື່ອນໍາໃຊ້ເຂົ້າໃນການປະຕິບັດໜ້າທີ່ວຽກງານວິຊາສະເພາະເປັນຕົ້ນແມ່ນການຜະລິດລາຍການສື່ການຮຽນ-ການ ສອນ ເຮັດໃຫ້ລູກຫຼານນັກຮຽນຂອງພວກເຮົາສາມາດຮຽນຜ່ານທາງ Online ໄດ້ ຈົນກວ່າສະ ຖານະການຈະກັບສູ່ສະພາບປົກກະຕິ.|" ລາວ ໂທລະຄົມ ໂທລະຄົມຂອງຄົນລາວ ເພື່ອສັງຄົມລາວ "

View: 678 | 5/21/2020 9:00:13 AM | ຊ່ວຍເຫຼືອສັງຄົມ

ຍ້ອນກັບ




Copyright © 2020 , All Rights Reserved | Version : 2.0