img

ກອງປະຊຸມ ທົບທວນການຊີ້ນໍາ - ນໍາພາ ແລະ ສ່ອງແສງ ການປະຕິບັດວຽກງານ ຂອງ ຄະນະພັກຮາກຖານ ລລທ ໃນໄລຍະ 06 ເດືອນຕົ້ນປີ 2020

ໃນຕອນເຊົ້າຂອງວັນທີ 13 ສິງຫາ 2020 ທີ່ສໍານັກງານໃຫຍ່ ບໍລິສັດ ລາວ ໂທລະຄົມມະນາຄົມ ມະຫາຊົນ ໄດ້ເປີດກອງປະຊຸມທົບທວນການຊີ້ນໍາ-ນຳພາ ແລະ ສ່ອງແສງ ການປະຕິບັດວຽກງານ ຂອງ ຄະນະພັກຮາກຖານ ລລທ ໃນໄລຍະ 06 ເດືອນຕົ້ນປີ 2020, ໂດຍໃຫ້ກຽດເປັນປະທານຂອງ ສະຫາຍ ສຸພົນ ຈັນທະວີໄຊ ເລຂາຄະນະພັກຮາກຖານ, ຜູ້ອໍານວຍການໃຫຍ່ ບໍລິສັດ ລາວ ໂທລະຄົມມະນາຄົມ ມະຫາຊົນ, ນອກນັ້ນຍັງມີຄະນະພັກກະຊວງ ປທສ, ຄະນະປະຈໍາພັກ, ຄະນະພັກຮາກຖານ, ຄະນະໜ່ວຍພັກ,ຄະນະສາມອົງການຈັດຕັ້ງມະຫາຊົນ, ສະມາຊິກພັກສົມບູນ ແລະ ສໍາຮອງ ເຂົ້າຮ່ວມທັງໝົດຈໍານວນ 255 ສະຫາຍ, ຍິງ 83 ສະຫາຍ.|ຈຸດປະສົງ ການເປີດກອງປະຊຸມໃນຄັ້ງນີ້ ແມ່ນເພື່ອຮັບຟັງການທົບທວນຜົນການຊີ້ນໍາ-ນໍາພາ ແລະ ສ່ອງແສງການປະຕິບັດວຽກງານ ຂອງ ຄະນະພັກຮາກຖານ ໃນໄລຍະ 06 ເດືອນຕົ້ນປີ 2020 ທີ່ຜ່ານມາ. ໃນກອງປະຊຸມ ສະຫາຍ ສຸພົນ ຈັນທະວີໄຊ ເລຂາຄະນະພັກຮາກຖານ ຍັງໄດ້ເຜີຍແຜ່ບາງນະໂຍບາຍ ຂອງ ຄະນະພັກ-ຄະນະຜູ້ອໍານວຍການໃຫຍ່, ລາຍງານຜົນສໍາເລັດກອງປະຊຸມຜູ້ຖືຮຸ້ນສະໄໝວິສາມັນ ແລະ ຍົກໃຫ້ເຫັນຜົນປະກອບການຂອງ ລລທ 6 ເດືອນຕົ້ນປີ 2020 ເຫັນວ່າມີຜົນກໍາໄລ ແລະ ສະພາບການດໍາເນີນທຸລະກິດດີຂືຶ້ນ. ຫຼັງຈາກນັ້ນ ກອງປະຊຸມຍັງໄດ້ຮັບຟັງລາຍງານການເຄື່ອນໄຫວວຽກງານທີ່ພົ້ນເດັ່ນໃນ 06 ເດືອນຕົ້ນປີ 2020 ຂອງ 3 ອົງການຈັດຕັ້ງມະຫາຊົນ ແລະ ການປະກອບຄໍາເຫັນ, ແລກປ່ຽນບົດຮຽນ, ຂໍ້ສະເໜີອື່ນໆ ຂອງບັນດາສະຫາຍຄະນະພັກກະຊວງ ປທສ, ຄະນະພັກຮາກຖານ ແລະ ຕາງໜ້າຄະນະໜ່ວຍພັກ ຕໍ່ກອງປະຊຸມ.|ໃນຕອນທ້າຍກອງປະຊຸມ ສະຫາຍເລຂາ ຄະນະພັກຮາກຖານ ໄດ້ຕອບຂໍ້ຂ້ອງໃຈ, ໃຫ້ຄໍາໂອ້ລົມ ແລະ ຍ້ອງຍໍຊົມເຊີຍຕໍ່ຜົນສໍາເລັດທີ່ສະມາຊິກພັກທຸກສະຫາຍສູ້ຊົນຍາດມາໄດ້, ພ້ອມດຽວກັນນັ້ນ ສະຫາຍຍັງໄດ້ຮຽກຮ້ອງມາຍັງສະມາຊິກພັກ ຈົ່ງກໍາແໜ້ນເນື້ອໃນຈິດໃຈຂອງບາງນະໂຍບາຍ ແລະ ໃຫ້ນໍາເອົາເນື້ອໃນການໂອ້ລົມໄປສຶກສາອົບຮົມການເມືອງແນວຄິດ ໃຫ້ແກ່ພະນັກ ງານໃນຂົງເຂດທີ່ຕົນຮັບຜິດຊອບໄດ້ເຂົ້າໃຈ ແລະ ຮັບຮູ້ຢ່າງທົ່ວເຖີງຕາມທິດຊີ້ນໍາເປັນຕົ້ນເຊັ່ນ: ແຜນການປັບປຸງກົງຈັກການຈັດຕັ້ງ, ການເຄື່ອນໄຫວວຽກງານໃຫ້ພະນັກງານມີຄວາມເຊື່ອໝັ້ນຕໍ່ທິດຊີ້ນໍາ ຂອງ ຄະນະພັກ, ຄະນະນໍາຂັ້ນເທິງ ແລະ ພ້ອມກັນປະຕິບັດແຜນດໍາເນີນທຸລະກິດໃນທ້າຍປີ 2020 ໃຫ້ໄດ້ຕາມແຜນ KPI ທີ່ບໍລິສັດກໍານົດໄວ້ .

View: 343 | 8/14/2020 4:06:02 PM | ຊ່ວຍເຫຼືອສັງຄົມ

ຍ້ອນກັບ




Copyright © 2020 , All Rights Reserved | Version : 2.0