img

ຜູ້ອຳນວຍການໃຫຍ່ ລາວ ໂທລະຄົມ ພ້ອມດ້ວຍຄະນະ ເຂົ້າຮ່ວມພິທີເປີດໂຕ ບໍລິສັດ ລາວໂມບາຍມັນນີ ຈໍາກັດຜູ້ດຽວ ແລະ ບໍລິການ M-Money ການເງິນດີຈີຕ້ອນເທິງມືຖື ພ້ອມທັງຮ່ວມມື ເຊັນສັນຍາ ກັບ ບໍລິສັດດັ່ງກ່າວ

ໃນຕອນຄໍ່າ ວັນທີ 17 / 7 / 2020 ທີ່ ໂຮງແຮມດອນຈັນພາເລດ, ນະຄອນຫລວງວຽງຈັນ ໄດ້ມີພິທີເປີດໂຕ ບໍລິສັດ ລາວໂມບາຍມັນນີ ຈໍາກັດຜູ້ດຽວ ແລະ ບໍລິການ M-Money ການເງິນດີຈີຕ້ອນເທິງມືຖື ຢ່າງເປັນທາງການຂຶ້ນ, ໂດຍການເປັນ ປະທານ ຂອງ ທ່ານ ປະ​ລິນ​ຍາ​ເອກ ທັນສະໄໝ ກົມມະສິດ ກຳມະການສູນກາງພັກ ລັດຖະມົນຕີ ກະຊວງໄປສະນີ ໂທລະຄົມມະນາຄົມ-ການສື່ສານ, ທ່ານ ທອງໃສ ຊານໄຊຍະ ຮອງ ລັດຖະມົນຕີ ກະຊວງໄປສະນີ ໂທລະຄົມມະນາຄົມ-ການສື່ສານ, ທ່ານ ສຸພົນ ຈັນທະວີໄຊ ຜູ້ອຳນວຍການໃຫຍ່ ລາວ ໂທລະຄົມ ພ້ອມດ້ວຍຄະນະ ກໍ່ໄດ້ເຂົ້າຮ່ວມ, ພ້ອມນີ້ໄດ້ມີພິທີ ຮ່ວມມື ເຊັນສັນຍາ ກັບ ບໍລິສັດ ລາວໂມບາຍມັນນີ ຈໍາກັດຜູ້ດຽວ, ຫົວຫນ້າກົມ, ທ່ານ ທັນສະໄໝ ຊາມຸນຕີ ຜູ້ອໍານວຍການ ບໍລິສັດ ລາວໂມບາຍມັນນີ ຈໍາກັດຜູ້ດຽວພ້ອມ​ດ້ວ​ຍຄະນະ ແລະ ນອກຈາກນັ້ນ ຍັງ ມີການເຊັນສັນຍາຮ່ວມມືກັນກັບ ບັນດາຫົວໜ່ວຍທຸລະກິດ ທີ່ ກ່ຽວຂ້ອງຕ່າງໆ ລວມທັງໝົດ ໄດ້ແກ່:|1. ບໍລິສັດ ລາວໂທລະຄົມມະນາຄົມ ມະຫາຊົນ 2. ບໍລິສັດ Tplus ດີຈີຕ້ອນຈໍາກັດ 3. ບໍລິສັດ ETL ຈໍາກັດ 4. ທະນາຄານການຄ້າຕ່າງປະເທດລາວ ມະຫາຊົນ 5. ທະນາຄານອຸດສາຫະກໍາ ແລະ ການຄ້າຈີນ ( ICBC )ຈໍາກັດ 6. ທະນາຄານພັດທະນາລາວ 7. ທະນາຄານສົ່ງເສີມກະສິກໍາ 8. ທະນາຄານຮ່ວມພັດທະນາ 9. ທະນາຄານຮ່ວມທຸລະກິດລາວຫວຽດ 10. ທະນາຄານອິນດູຈີນຈໍາກັດ 11. ທະນາຄານເອຊີລີດາ ຈໍາກັດ 12. ທະນາຄານມາລູຮານເຈແປນລາວ 13. ບໍລິສັດ NCC ຈໍາກັດຜູ້ດຽວ 14. ບໍລິສັດ ລັດວິສາຫະກິດ ຫວຍພັດທະນາ, 15. ບໍລິສດ ຮຸ່ງອາລຸນ ໂລຈິດສະຕິກ ຈໍາກັດຜູ້ດຽວ 16. ທ່ານ ປະສົງ ລັດຕະນະ ປະທານບໍລິສັດ ໂກເທັດດີ້ ຈໍາກັດຜູ້ດຽວ ພ້ອມດ້ວຍຄູ່ຮ່ວມ ທຸລະກິດ ແລະ ແຂກທີ່ຖືກເຊີນເຂົ້າຮ່ວມຈາກພາກລັດ ແລະ ເອກະຊົນ.| ຈຸດປະສົງຂອງການຈັດງານໃນຄັ້ງນີ້ ເພື່ອເປັນການເປີດຕົວຢ່າງເປັນທາງການ ກ່ຽວກັບການບໍລິການແອບພິເຄຊັ່ນ M-Money ກະເປົາເງິນເທິງມືຖື ທີ່ສາມາດໃຊ້ ໃນໃຊ້ຊີວິດປະຈຳວັນແບບໃໝ່ ທີ່ເນັ້ນຄວາມສະດວກສະບາຍໃນການຈ່າຍເງິນໂດຍ ບໍ່ຕ້ອງພົກ ເງິນສົດ M-Money ສາມາດຈ່າຍຄ່ານ້ຳ, ຄ່າໄຟຟ້າ, ຄ່າໂທລະສັບ, ຄ່າບິນຕ່າງໆ ແລະ ສາມາດໂອນເງິນໄປທະນາຄານຕ່າງໆ ໄດ້ພຽງ ປາຍນີ້ວ ຫຼື ຖ້າຕ້ອງການເອົາເງິນເຂົ້າໃນ M-Money ກໍ່ສາມາດເຮັດໄດ້ດ້ວຍວິທີງ່າຍໆ ທີ່ຈຸດບໍລິການທົ່ວປະເທດ ເຊິ່ງປະຊາຊົນສາມາດເຂົ້າເຖິງການບໍລິການດັ່ງກ່າວນີ້ໄດ້ຢ່າງສະດວກສະບາຍ ພ້ອມສ້າງສັງຄົມທີ່ບໍ່ນໍາໃຊ້ເງິນສົດໃນທົ່ວປະເທດ, ເສີມສ້າງບໍລິການການເງິນດີຈີຕ້ອນໃຫ້ກາຍເປັນກະເປົາເງິນທີ່ມີຜູ້ຄົນນໍາໃຊ້ຫລາຍເປັນອັນດັບ1ໃນອະນາຄົດອັນໄກ້ນີ້ໂດຍໃຫ້ທຸກພາກສ່ວນຕ້ອງໄດ້ຮັບຜົນປະໂຫຍດ.

View: 413 | 7/19/2020 6:51:20 AM | ກ່ຽວກັບ ລາວ ໂທລະຄົມ

ຍ້ອນກັບ




Copyright © 2020 , All Rights Reserved | Version : 2.0